LAOAG CITY – Nabigbig ti Bombo Radyo Philippines kas Best Radio Network iti prestihiyoso a Pro Patria Journalism Awards, maysa a programa a tinawen nga isaysayangkat ti Rotary Club of Manila.
Naipaay ti pammadayaw kabayatan ti selebrasyon ti Rotary Club of Manila ti Independence Day a naisayangkat idi kalman Hunyo 11, 2026 iti Makati City.
Iti citation, nadakamat ti awards committee ti nabayagen a commitment ti Bombo Radyo Philippines a mangipaay ti mapagtalkan a damag, impormasyon ken serbisyo publiko kadagiti Pilipino iti intero a pagilian.
Nailanad iti citation a ti Bombo Radyo Philippines ket “nagtalinaed a maysa kadagiti mapagtalkan a pagalaan ti damag ken impormasion” ken kinomendaran na ti napigsa a presensya ti network iti probinsia ken programa a naipamaysa iti komunidad, nga agtultuloy a mangipaay iti naintiempuan a damag ken serbisio publiko kadagiti gagangay a Pilipino.
Binigbig pay ti pammadayaw ti napateg nga akem ti Bombo Radyo iti panawen ti bagyo, didigra, ken emerhensia, no dagiti estasion na ket tumulong a mangpatalinaed nga adda ti ammo ken natalged dagiti komunidad.
Segun iti citation, ti Bombo Radyo Philippines ket nakabukel iti reputasion iti serbisio publiko ken pudno a panangisakit kadagiti komunidad a pagserserbianna, isut gapuna a pudno daytoy a maikari iti pammadayaw.
Ti Pro Patria Journalism Awards ket maysa kadagiti mararaem a programa ti pagilian a mangbigbig iti journalism.
Ti termino a “Pro Patria” ket maysa a Latin phrase a kayat na a sawen ket “Para iti Pagilian,” a mangipakita ti mision ti pammadayaw a mapadayawan.
Dagiti agirakrakurak ken organisasion ti media a mangitantandudo iti kinapudno, mangpapigsa iti demokrasia, mangitantandudo iti patriotismo, ken agserbi iti nasion babaen ti responsable a journalism.
Bigbigen dagiti pammadayaw dagiti media practitioners ken institusion a mangipakpakita iti panagbalin a patas, awan ti panagbuteng, kinapudno, moral a responsibilidad, panagkumit iti nawaya a panagirakurak, ken dedikasion a mangtaginayon iti pannakaammo ti publiko.
Idaton ti Rotary Club of Manila ti umuna ken kadaanan a Rotary club iti Asia, a naipasdek idi 1919, ti Pro Patria Journalism Awards ket nagbalinen a maysa kadagiti kangrunaan a programa ti pannakabigbig ti organisasion ken maibilang a karaman kadagiti kalatakan a pammadayaw iti periodismo ti Pilipinas.
Para iti BOMBO RADYO PHILIPPINES, pasingkedan manen ti pannakabigbig ti panagkumitna iti responsible broadcasting ken public service kabayatan ti agtultuloy a panagserbina kadagiti minilyon a Pilipino babaen ti nationwide network-na nga addaan ti 32 a napigsa, dominante ken naan-anay a digitalized nga AM ken FM stations.
Iti nasurok nga innem a dekada manipud idi naipasdek idi Hulio 6, 1966, ti Bombo Radyo Philippines ket mapagtalkan a kadua dagiti Pilipino iti panawen ti balligi, krisis, ken panagbalbaliw.
Naimatangan na dagiti eleksion, kalamidad, isyu ti kagimongan, ken inaldaw nga estoria manipud kadagiti komunidad a pagserserbianmi iti intero a pagilian.
Iti kangitingitan ti Martial Law, ti Bombo Radyo Philippines ti kakaisuna a provincial radio network a direkta a nangidanon kadagiti damag manipud Malacañang ken Metro Manila kadagiti agdengdengngeg kadagiti probinsia.
Kanayon a nalawag ti mission na, daytoy ket ti mangipaay ti napudo nga impormasyon, agipadamag nga awan ti panagbuteng ken agserbi a responsable.
Iti puso iti daytoy a panagdalyasat ket ti visionary leadership ni DR. ROGELIO M. FLORETE, ti Chairman ti Florete Group of Companies, ti diversified conglomerate nga addaan ti interes iti negosio iti media, babaen iti Bombo Radyo Philippines—banking, bulk water supply, property development, pawnshop ken alahas, aquaculture ken agriculture, ken dadduma pay.
