LAOAG CITY – Kalikagom ni Sangguniang Panlungsod Member Kichelle Pungtilan iti siudad ti Batac a masolbar ti sentimiento dagiti tricycle driver ita a panawen ti panagtutudo.
Segun kenkuana adda dagiti nangidanun kenkuana ti problemada mainaig ti panagusarda ti tsinelas kabayatan nga agtudtudo.
Inbatadna a kalikagom dagiti tricycle drivers a mapalubosanda nga ag-tsinelas iti babaen ti pannaka-amendar kuma ti gakat mainaig ti panagusarda ti sapatos nga agpasada.
Inlawlawagna a naipadanon kenkuana nga adda dagiti gundaway nga agtudo ket nakasapatosda isu a no adda ti pannakabalinna ita a panawen ti panagtudtudo ket agtsinelasda tapno saanda a marigatan nga agsukat ken saanda a matiliw no ag-tsinelasda.
Kabayatanna, segun met ni Atty. Jepz Flojo nga awan pay natiliw a tricycle driver a naka-tsinelas manipud idi nangrugi ti panagtutudo.
