LAOAG CITY – Maragsakan ni Konsehal Bjorn Lao gapo iti pannakapili na kas kas baro a chairman ti Committee on Education ditoy ciudad ti Laoag.
Nagyaman iti pannakaipasa kenkuana ti nasao a komite aglalo ket ti edukasyon ti maysa kadagiti nagbalin a plataporma na iti panagpaidasig na a konsehal ditoy ciudad ti Laoag.
Inpasigurado na a kitaen da amin dagiti wagas a mabalin nga aramiden ti idaulwan na a komite tapno matulungan dagiti estudyante ken masolbar dagiti problema iti sektor ti edukasyon.
Inpanamnama na ti naan-anay a pannakitrabaho ken pannakitinnulong na kadagiti stakeholders, agtutubo ken dadduma pay tapno magun-od ti napinpintas a sektor ti edukasyon ditoy ciudad ti Laoag.
Maipalagip a ti nasao a komite ket dati nga indaulwan ni
dati nga SK Federated President a ni Hon. Cristophe Agustin, nga agdaman a commissioner a mangipresentar ti Luzon iti National Youth Commission.
