LAOAG CITY – Inrakurak ti National Grid Corporation of the Philippines (NGCP) a bumaba ti overall transmission rates ita nga Hunio a makita iti electric bill dagiti konsyumer ita a bulan.
Basar iti National Grid Corporation of the Philippines, P0.56 iti kada kilowatt-hour laeng ti singiren para iti delivery ti serbisioda.
Inlawlawagna a ti panagbaba ti singir ket gubuay iti nababa a transmission wheeling charges a mangipakita iti bayad para iti panangipadanon ti kuryente manipud power plant nga agturong iti distribution utilities.
Malaksid iti daytoy, bimmaba pay ti ancillary services rates wenno gastosen para iti pass-through services manipud iti reserve market ken dadduma pay a provider nga addaan ti kontrata iti National Grid Corporation of the Philippines.
Daytoy nga addang ket manamnama a mangipaay tin am-ay kadagiti consumer iti baet ti agtultuloy a panagngato ti presio ti magatgatang ken kuryente iti pagilian.
