LAOAG CITY – Kinumpirmaran ti Philippine National Police – Criminal Investigation and Detention Group (PNP-CIDG) a saan nga aksidente ti pannakatay ti dua nga Ateneo Men’s Basketball Team nga isuda Rene Clert Baterbonia ken Divine Adili a nalmes iti Dipaculao, Aurora.
Inbatad ni Criminal Investigation and Detention Group Police Major General Robert Morico a basar iti inisyal nga imbestigasion ket sakbayda a napan iti igid ti baybay ket napakdaaran dagiti kadua dagiti biktima mainaig iti kondision ti baybay nga addaan daytoy ti napipigsa nga panagdalluyong.
Iti baet daytoy, nangiparuk-at ti subpoena ti Criminal Investigation and Detention Group para kadagiti 48 nga indibidual nga adda iti likudan ti insidente karaman dagitoy dagiti coaches ken staff ti Ateneo basketball team.
Mainaig iti daytoy, nangiparuk-at pay ti Department of Justice ti Immigration Lookout Bulletin Order kontra kada Baldwin, dati a team manager-da a ni Cristopher “Epok” Quimpo ken karaman pay dagiti nadakamat nga staff ngem inpettengda a saan daytoy a saoen a naglabsingda no diket panagbantayda no tumalaw dagitoy ditoy pagilian kabayatan ti manarimaan nga imbestigasion.
