LAOAG CITY – Manamnama nga agsublin iti panagaramid kadagiti pelikula ti aktres a ni Sunshine Cruz.
Sumurok tallo tawen daytoy a naginana gapu iti sagsagabaenna a sakit a myasthenia gravis a maysa a klase ti sakit iti nagbaetan ti muscle ken nerves.
Iti social media account ti aktres, kunana nga adu a proyekto ti nagkedkedanna iti napalabas a tallo a tawen.
Kunana a tinutukanna ti salun-atna iti uneg ti tallo a tawen.
Nakaala daytoy ti clearance manipud iti neurologist-na ken napalubosan daytoy nga agaramid ti pelikula.
Napalaos a magagaran iti panagsublina iti pelikula ken panagaramid ti proyekto iti showbiz.
Maipalagip nga idi 2025 idi inbutaktak ti aktres ti sakitna a naapektaran ti sumagmamano a paset ti rupana.
Naruay a fans ken pagayam ti aktres ti naragsakan gapu iti napintas a damag no sadinno a magagaran dagitoy a mabuya isuna.
