LAOAG CITY – Nagsublin iti screen ti “Queen of All Media” a ni Kris Aquino kas baro a C.H.I.K.A wenno Chief Head of Insights and Kontent Analysis para iti Netflix Philippines.
Inpabuya ti streaming app ti teaser video ti baro a show ni Kris babaen ti maysa a video reel ti maysa a social platform.
Daytoy ti marka ti panagsubli iti showbiz ni Kris Aquino kalpasan ti adu a tawen a panaginanana para iti panagpaagasna iti autoimmune diseases.
Mainaig iti daytoy, naka-schedue nga ipabuya ti episode 1 ti nadakamat a programa inton Agosto 7, episode 2 inton Agosto 14 ken episode 3 inton Agosto 20.
Kabayatanna, maragsakan dagiti netizens iti panagsublina gapu ta mangngeg manen ti kina-energetic ken kina-talkative-na a nabayagen nga iliw iti industria.
