LAOAG CITY – Naiget a naglikudan ni Senador Chiz Escudero ti alegasion ti 18 a dati a bodyguards ni dati a Congressman Elizaldy Co a karaman isuna kadagiti napatulodan ti nakamaleta a kickback iti flood control projects.
Inbatad ni Escudero iti podcast-na nga awan ti kinapudnona dagiti pammabasol gapu ta nabayagen nga adda ti susikda ken ni Co.
Malaksid iti daytoy, saan nga umno ti address daytoy nga ibagbaga dagiti bodyguards a nangipatulodan kadagiti maleta.
Kwinestionaran ni Escudero a no pudno dagiti akusasion kenkuana iti panangawat kadagiti maleta ket apay saanda a pilaan isuna ti kaso dagiti agak-akusar kenkuana.
Mamati ti Senador a ti panangiraman kenkuana ket paset iti maris pulitika gapu ta inaramid ti alegasion kalpasan a nagatendar daytoy idi Hunio 3 isut gapuna nga adda ti naiwaya a sesyon sakbay ti sine die adjournment ken napadisi kas Senate President ni Senador Alan Peter Cayetano.
