LAOAG CITY – Ipayal-alisto ni Senate President Win Gatchalian iti Department of Education (DepEd) ti panag-hire wenno panagala ti nayon nga school counselor associates kadagiti pagadalan iti pagilian.
Daytoy ket iti baet ti umad-adu a kaso ti kinaranggas kadagiti pagadalan.
Dinakamat ni Gatchalian nga adda ti P2 billion a pundo iti babaen ti 2026 budget para iti panag-hire ti 10,000 School Counselor Associates I kas sungbat iti Basic Education Mental Health and Well-Being Promotion Act a mangilunglungalong ti mental-health ken pagsayaatan dagiti agad-adal.
Kunana a nangilatang ti pundo ti Senado para iti panagala ti School Counselor Associates tapno mabayabayan dagiti estudiante ken masigurado ti nasayaat a kasasaad dagitoy.
Naammoan a dagiti ma-hire nga School Counselor Associates ket nasken a nagturpos iti Bachelor’s Degree in Guidance and Counseling wenno Psychology wenno aniaman a Bachelor’s Degree nga addaan ti “at least” 18 units wenno 18 units ti Behavioral Science.
