LAOAG CITY – Pinerdi ti Team Türkiye ti rumbeng koma a perfect record ti Team USA iti group stage ti panagtultuloy ti FIFA World Cup 2026.
Sinorpresa ti Türkiye ti team USA iti sangwanan dagiti aggiikkis nga agbuybuya iti Los Angeles Stadium, iti babaen ti 3-2 thriller win.
Nasapa a dinomina ti USA ti laban iti babaen ti alisto a goal ni Auston Trusty iti maika-3 a minuto paylaeng ti ay-ayam.
Nupay kasta, saan a nagpaabak ti Turkish team ken alisto a simmubbot ti baro a player a ni Arda Güler iti maika-10 a minuto tapno itabla ti iskor.
Sinaruno pay daytoy ti maysa a goal manipod ken Barış Alper Yılmaz iti maika-31 a minuto tapno maagaw ti bentahe sakbay ti halftime, iti iskor a 2-1.
Iti iseserrek ti second half, naikkan manen ti namnama babaen ken ni Sebastian Berhalter ti USA iti maika-49 a minuto para iti 2-2 equalizer idinto nga idi dandanin agleppas ti laban ket nakaiskor manen ti Team Turkey a nangileppas ti ay-ayam iti iskor a 3-2.
