LAOAG CITY – Rinugianen ti Clerk of Court ti panangbukel ti pre-trial order kalpasan ti pre-trial conference para iti panangusig ken ni Vice President Sara Duterte.
Inbatad ni Clerk of Court Atty. Renato Bantug Jr. a rinugiandan ti panangbukel ti pre-trial order ken addan ti pammilin ni Senate President Win Gatchalian a nasken nga inton Lunes inton sumaruno a lawas ket makaiparuk-aten ti pre-trial order.
Inlawlawagna a naiget ti panagtrabaho dagiti agpapaay ti impeachment court para inton Lunes tapno naan-anayen a maiparuk-at ti pre-trial order a naglaon kadagiti documentary ken testimonial evidences, listaan dagiti testigo, namarkaan dagiti exhibits, stipulation of facts, trial dates ken manifestation orders.
Maikkan ti house prosecution team ken defense team nga agkomento iti pre-trial order iti uneg ti tallo nga aldaw.
Ti deadline para iti panagisubmitir ti komento ti dua a partido ket inton Huebes iti sumaruno a lawas.
Iti pre-trial days, agkidkiddaw ti house prosecution team ti 62 trial days para iti pannakaipresentar dagiti ebidensiada iti impeachment trial idinto a 30 trial days met iti defense team ni Vice President Sara Duterte.
