LAOAG CITY – Kalikagum ni Senate President Win Gatchalian a mausar ti Special Education Fund para iti seguridad dagiti pagadalan.
Iti salinong ti rakurak a 21st Century School Boards Act (Senate Bill No. 53), inbatad ni Gatchalian a palawaenna daytoy a gakat ti panagusar ti Special Education Fund para kadagiti pasilidad ken kasta pay ti pannakai-deploy dagiti security guard kadagiti pagadalan.
Malaksid iti daytoy, papigsaen pay ti nasao a rakurak ti papel dagiti local government units (LGUs) para iti panagsungbatda kadagiti naruay a kasapulan ti edukasion iti lugarda.
Mainaig iti daytoy, inpetteng ni Gatchalian a ti nagbalin a rakurakna ket naibasar kadagiti nagsasaruno nga insidente kadagiti nagduduma a pagadalan ditoy pagilian no sadinno ket adda pakainaiganna daytoy kadagiti sumagmamano nga estudiante.
