LAOAG CITY – Inpasingked ni Senate President Sherwin “Win” Gatchalian a nakasaganan nga agserbi kas presiding officer iti impeachment trial ni Vice President Sara Duterte.
Inbatad na nga adon dagiti konkonsultaren na a legal experts ken naiget ti pannakikoordinar na kadagiti addaan ti experience iti impeachment proceedings.
Kuna na a ti kapadasan na iti panangisayangkat ti panagdengngeg ket mangiwanwan ti nagduduma a procedures ket agserbi kenkuana para iti panagakem na kas presiding officer, malaksid pay iti aktibo a panangkonsultar na kadagiti pada na a senador.
Innayon na nga adda ti uppat nga articles a sagsaganaan na ken ad-adalen na dagiti insumitir ti prosekusyon nga ebidensya.
Para iti trial proceedings, inpakaammo ni Gathalian a ti kadakkelan a paset ti panagsagsagana para iti impeachment trial ket maipaima ken ni impeachment court clerk Atty. Rey Bantug Jr.
Iti panangtratar dagiti debate mainaig iti panagkasapulan ti abogado a mangidaulo, kuna ti Senate President a ti impeachment ket political process, ken suruten da ti nailanad kadagiti pagannurutan.
