LAOAG CITY – Nagpanawagan ni Akbayan Party-list Rep. Chel Diokno iti Department of Education (DepEd) a solbaren ti panagulimek dagiti ubbing a biktima ti bullying.
Daytoy ket kagiddan dagiti impormasion a dagiti menor de edad a nagaramid ti kinaranggas kas ti pammaltog iti San Jose National High School idiay Tacloban City ket posible a biktima ti bullying.
Dinakamat ni Diokno ti findings ti Second Congressional Commission on Education a ti bullying ket mabalin a kumaro nga agtungpal ti coordinated attacks a mangitunda ti panagbuteng, panag-absent ken panangliklik dagiti estudiante iti pagadalan.
Gapu iti daytoy, inpetteng ni Diokno a nasken nga awan ti lugar kadagiti pagadalan ti bullying.
Inballaagna a saan a malpas dagiti kastoy a situasion agingga a saan a masolbar ti kultura ti buteng ken panagulimek dagiti biktima ti bullying.
Inlawlawagna a ti maipatpatungpal a Juvenile Justice Law ket addaan ti mekanismo tapno pagsungbaten ken i-rehabilitate dagiti menor de edad idinto nga adda met ti pagsungsungbatan dagiti nagannak.
