LAOAG CITY – Inaprubaran ti International Criminal Court (ICC) Trial Chamber III ti pannaki-freeze ti kwarta a nakumpiska r idi ken ni dati a Presidente Rodrigo Duterte kalpasan a naarestar ken naikabil iti kustodiyar ti international tribunal idi Marso 2025.
Daytoy ket kalpasan a kiniddaw ti prosekusyon a ma-access dagiti personal a gamit ken i-freeze ti aniaman a kwarta nga iggem ti dati a presidente.
Basar kadagiti dokumento nga inparuk-at ti International Criminal Court idi Biyernes, Hunyo 27, 2026, pinaboran ti korte ti mosyon ti prosekusyon nga itultuloy ti pannakai-freeze iti aniaman a kwarta manipod ken ni Duterte iti panawen ti pannakaarestar na.
Immunan a kwinestyunaran ti kampo ni Duterte ti nasao nga addang ti Trial Chamber III.
Segun iti depensa, saanen a kasapulan nga aramiden ti prosekusyon ti kiddaw da gapu ta addan iti kustodiyar ti ICC Registry ti nasao a kwarta.
Inpetteng da pay nga awan ti agbalin nga epekto daytoy iti pannakadengngeg ti kaso.
Saanen nga inpublikar ti ICC no mano ti pakabuklan ti kwarta a nakumpiskar da manipod iti dati a presidente.
