LAOAG CITY – Maituloy ita nga aldaw, Hulio 1, iti imbestigasion ti Senado mainaig iti online gaming platforms iti panangibutaktak dagiti bayolente a content ken delikado nga online communities kalpasan iti pammaltog ti maysa a pagadalan idiay Tacloban City idi Hunio 22, 2026.
Namnamaen a imbestigaren dagiti agpampanday linteg dagiti online game platforms kas kuma iti Roblox, Minecraft, Fortnite, Call of Duty ken Free Fire, pakairamanan pay dagiti content moderation, age restrictions, ken no kasano a mabalin nga usaren ti digital spaces para iti grooming, radicalization, wenno recruitment dagiti ubbing nga users.
Segun ken ni Chairperson ti Senate Committee on Women, Children, Family Relations, and Gender Equality a ni Senator Risa Hontiveros, a daytoy a panagdengngeg ket tapno maammuan nu adda pakainaigan ti online platforms iti panagwaras ti nasalungasing nga ideya.
Nagun-od daytoy a panagsukimat kalpasan a nai-report nga adda koneksion ti GoreBox iti maysa nga suspek iti pammaltog idiay Tacloban.
Kabayatanna, inpawil pay laeng ti panagay-ayam ti Gorebox a kas precautionary measure iti imbestigasion no sadinno a daytoy ket iti babaen ti Cybercrime Investigation and Coordinating Center (CICC).
