LAOAG CITY – Nagun-od ti Egypt ti naisangsangayan a pannakastrek iti Round of 16 ti 2026 FIFA World Cup kalpasan nga inabakna ti Australia iti penalty shootout iti score a 4-2 kagiddan ti 1-1 a tabla iti panaglippas ti regular ken extra time.
Nasapa a nakalamang ti Egypt idi naka-score ni Emam Ashour iti maika-13 a minuto iti umuna a paset ti ay-ayam.
Nupay kasta, nakasubbot ti Australia iti maikadua a tukad kalpasan ti maysa nga own goal a nagtabla iti score iti maika-55 a minuto.
Saanen a nakanayon pay ti puntos ti agsinnungbangir a grupo iti nabatbati a paset ti ay-ayam iti extra time isu a nagtennag ti laban iti penalty shootout.
Iti nasao a tukad, napaay ti Australia iti dua a kugtar idinto a balligi a naiserrek ti Egypt ti uppat a pananggandatda tapno magun-od ti balligi.
