LAOAG CITY – Umabot iti agarup Php1,004,548 ti naduktalan a tinakaw ti maysa nga Accounting Personnel iti maysa nga SPA iti Barangay 18 San Quirino ditoy siudad ti Laoag.
Ti suspek ket maysa a babai, agtawen ti 35, residente iti Barangay Real, Calamba, Laguna ken madama nga agnanaed ti Barangay 28, Rizal Street ditoy siudad ti Laoag.
Basar iti Ilocos Norte Police Provincial Office (INPPO) ti nasao a suspek ket natiliw iti babaen ti entrapment operation no sadinno a mapan kuma agdeposit daytoy iti maysa a bangko iti isu met laeng a siudad ti napastrekan ti salon nga agbalor Php11,965.
Apaman a naka-deposit daytoy ket nagisubmitir ti ladawan ti deposit slip ken remittance slip wenno endorsement iti groupchat-da no sadinno a kinita nga insigida iti biktima ti bank account-na a ditoy a naduktalan nga awan ti nai-deposit.
Nasdaaw ti akin bagi ti SPA isu ti gapu na a nagturong daytoy iti puesto tapno komprontaren ti suspek ket inadmitirna nga awan ti indeposit-na no sadinno a kiniddaw ti akin bagi ti deposit slip ngem awan ti maipakitana.
Gapu iti daytoy, nagkiddaw ti biktima iti Philippine National Police (PNP) Laoag nga insigida met a nangiwayatda iti entrapment operation.
Naamoan a nabayagen nga ar-aramiden daytoy ti suspek no sadinno nga adda ti pakabuklan a Php1,004,548 ti naala nan.
Iti agdama, manarimaan ti pannakaisagsagana dagiti dokumento ti kaso a maipila kontra iti suspek.
