LAOAG CITY – Naiyuswat ti Fertilizer and Pesticide Distribution kadagiti mannalon iti ili ti Badoc.
Inpakaammo ni Badoc Mayor Virgilio Calajate a 2,600 a mannalon ti naipaayan iti nasao nga aktibidad.
Kunana a ti pondo ket manipud iti Tobacco Excise Tax wenno ti RA 7171.
Inlawlawagna pay a saan laeng a dagiti agmulmula ti Tabako iti mabenepisiaran nu diket masuportaran amin a mannalon iti nasao nga ili.
Nupay kasta, kinunana nga agtaltalinaed a problema dagiti mannalon ti nangina a presion dagiti kasapulanda nga agtalon isu a kalikagomda a masolbar daytoy babaen ti pannaka-idayday a nasayaat dagiti pundo ti gobierno.
