LAOAG CITY – Kinumpirmaran ti Department of Education (DepEd) a nakairekordda ti ad-adu pay nga insidente ti kinaranggas kadagiti pagadalan kalpasan iti napasamak a pammaltog iti San Jose National High School idiay Tacloban City, Leyte iti napalabas a bulan.
Inbatad ni Department of Education Undersecretary Malcolm Garma, nupay datin a makairekrekordda ti school violence, kunana nga immadu daytoy kalpasan a napasamak ti Tacloban shooting idi Hunio 22.
Kunana a kaadoan kadagitoy ket dagiti bomb ken shooting threats a nangitunda ti panagamak ti Department of Education.
Inlawlawagna nga iti pannakitaripnongda iti Philippine National Police, inpettengna a mabalin a naaddaanen ti ‘copycat phenomenon’.
Inadmitirna a kasapulan ti Department of Education ti tulong tapno maliklikan ti copycat phenomenon.
Malaksid iti daytoy, kunana a nakaawatda ti impormasion nga immadu dagiti nag-download ti video game a GoreBox kalpasan ti Tacloban shooting.
Immunan nga inrakurak dagiti otoridad a maysa kadagiti menor de edad a karaman iti pammaltog idiay Tacloban ket agay-ayam ti GoreBox.
