LAOAG CITY – Kinanselar ti International Criminal Court Trial Chamber III ti maikatlo nga status conference ni dati a Presidente Rodrigo Duterte a naikeddeng inton Hulio 14.
Ti sumaruno nga status conference ket inton Setiembre 16 ken mangrugi met iti panangtingiting ken ni Duterte inton Nobiembre 30.
Agdama a sangsangoen ni Duterte ti kaso a crimes against humanity mainaig iti maipagarup a pammapatay idi panawen a nakatugaw isuna kas Presidente iti pagilian ken Mayor idiay Davao City.
Naiwayat ti umuna nga status conference idi Mayo 27 ken ti simmaruno ket idi Hunio 23.
Maipalagip a naarestar ni Duterte idi Marso 2025 iti Ninoy Aquino International Airport Terminal 3.
Manarimaan a nakabalud iti International Criminal Court iti Scheveningen, The Hague, Netherlands ti dati a Presidente.
Kabayatanna, pinalubosan ti International Criminal Court ti kiddaw dagiti prosecutor para iti “materials in the custody of the registry” mainaig iti kaso.
