LAOAG CITY – Pinalubusan ti Sandiganbayan Third Division ti kiddaw ti Sixth Division a pagtiponen dagiti kaso a plunder ken panaglabsing iti Presidential Decree No. 46 a naipila kontra ken ni Sen. Rodante Marcoleta.
Manarimaan a sumangsango ti senador iti kaso a plunder mainaig iti saanna a panangdeklarar ti sumurok P75 million a donasion manipud iti kaduana a naipilaan ti kaso idi kampaniana idi 2025 elections.
Kabayatanna, maianaig met iti panaglabsing iti Presidential Decree No. 46 a mangipawpawil kadagiti opisial ken empleado ti gobierno nga agawat ti regalo ti maysa pay a kaso nga inpila ti Ombudsman kontra iti senador.
Maipalagip a nakitaan ti korte ti probable cause tapno tingitingen da Marcoleta ken dagiti kaduana a da dati nga Anakalusugan Party-list Rep. Mike Defensor ken ken dagiti negosiante a da Aristotle Viray ken Joseph Espiritu.
