LAOAG COTY – Naiyuswat ti Community Based Rehabilitation Program iti local a gobierno ditoy siudad ti Laoag.
Inpakaammo ni Dr. Melvin Manuel, mangidadualo iti City Disaster Risk Reduction and Management Office (CDRRMO) a daytoy ket kalikagumda nga ipaayan dagiti drug offenders ti maikadua a gundaway tapno makapagbalbaliw.
Kuna ni Manuel a daytoy ket babaen ti panagkikinnammayet ti nagduduma nga ahensia kas ti City Health Office (CHO), City Anti-Drug Abuse Council, Philippine National Police (PNP, Philippine Drug Enforcement Agency (PDEA) a mangtulong kadagiti drug offenders babaen iti panagatendarda ti seminar ken trainings.
Ditoy a naisuro dagitoy ti Basic Life Support wenno ti ipaayda a tulong no adda agkasapulan kas kuma ti panangiyuswat ti cardiopulmonary resuscitation (CPR).
Kabayatanna, kinuna ni Manuel a maysa dagitoy kadagiti programa ti gobiero tapno adadda a masuportaran dagiti umili iti panangliklikda ti illegal a droga ken iti tsansa a makapagbalbaliw.
