LAOAG CITY – Narekobre ti Bureau of Customs (BOC) ken National Bureau of Investigation (NBI) idi kalman ti agaraup P980-million a gatad ti smuggled a sigarilyo.
Naamoan a dagiti nadakamat nga smuggled a sigarilyo kalpasan ti maysa nga impormasion a naawat dagiti otoridad a nangitunda ti panangiwayatda ti ispeksion ken enforcement.
Mainaig iti daytoy, inbatad ni Customs Commissioner Ariel Nepomuceno a nakatutukda iti kampanya kontra kadagiti smuggled goods ken impasiguradoda a dagiti inbididual ken business establishments nga adda pakainaiganna kadagitoy ket insigida a maipilaan dagitoy ti kaso.
Kabayatanna, inpetteng met ni National Bureau of Investigation Director Melvin Matibag ti pannakikooperarda iti Bureau of Customs ken kadagiti partner law enforcement agencies para iti naigiget pay a pannakaipatungpal ti kalikagumda kontra kadagiti makaskastrek a produkto nga awan ti permitna.
