LAOAG CITY – Umabot iti 15 nga indibidual ti natay kalpasan a nagbaliktad ti maysa nga speedboat a nagluganan dagiti turista nga Indian.
Napasamak ti insidente iti asideg ti maysa nga isla iti abagatan a paset ti pagilian a Vietnam.
Basar kadagiti otoridad, 32 nga Indian tourists, 3 a crew members ken 1 nga attendant ti nakalugan iti nasao nga speedboat.
Nagbaliktad ti speedboat iti agarup 400 a metro manipud iti isla ti Hon May Rut Ngoai kabayatan ti dakes a paniempo iti baybay.
Iti inisyal nga imbestigasion, Indian citizens dagiti kaadoan a biktima idinto nga agarup 21 dagiti naisalakan no sadinno a sumagmamano kadagiti biktima ti na-trapped iti uneg ti speedboat.
Iti agdama, agtultuloy pay laeng ti search and rescue operation ken manarimaan ti imbestigasion dagiti otoridad mainaig iti napasamak nga insidente.
Naammoan a ti Hon May Rut Ngoai ket maysa a bassit nga Isla iti An Thoi Archipelago iti Gulf ti Thailand no sadinno nga adu a turista ti magutgutigot nga ag-island-hopping boat tours.
