LAOAG CITY – Dumakdakkel ti panagayat ti Philippines iti Vietnam gapu ta daytoy ti maysa kadagiti kaadoan ti Filipino tourists nga agturong iti nasao a pagilian.
Daytoy ti gapu na no apay dadakkel dagiti discounts dagiti travel agencies nga agturong idiay Hanoi wenno Danang no sadinno nga addaan da payen ti opisina idiay Vietnam.
Inbatad ni Madness Expo Chairman Maria Paz Alberto nga adadda a pilien dagiti Filipino nga agturong ti Vietnam gapu kadagiti nalaka a magatang.
Innayonna nga adu dagiti Filipinos nga agsaludsod ti Vietnam trips no sadinno a namnamaenna a babaen iti daytoy ket mapapigsa ti global tourism sector a nakaru a naapektaran gapu iti rinnupak idiay Middle East.
Kabayatanna, para iti umuna a kagudwa ti bulan, addaan ti 364,721 a Filipino tourists idiay Vietnam kasta payen ti nangato a numero dagiti agbisita iti kabangibang a lugar.
