LAOAG CITY – Tiningiting ti Department of Health (DOH) ti 455,188 bote ti antiretroviral (ARV) drugs a maipaay kadagiti indibidual nga addaan ti Human Immunodeficiency Virus wenno HIV (PLHIV).
Ti kargamento ket pakabuklan ti ng Lamivudine + Tenofovir + Dolutegravir (LTD) formulations no sadinno nga umuna a tranche ti manamnama a 1.2 milyon units nga HIV commodity.
Pinanekneken ti DOH a natalged, epektibo, de-kalidad, nakarehistro iti Food and Drug Administration (FDA), ken nakasaganan para iti pannakaipaayna dagiti nasao nga agas.
Manamnama a sumangpet iti sumaruno a lawas ti nabatbati a batch ti umuna a trache ken maipadalan daytoy iti agpada a proseso ti inspeksion.
Nakaiskedyul met ti maikadua ken maikatlo a tranche iti nagbaetan ti Agosto ken Setiembre.
Segun iti DOH, dakkel ti epekto ti agdama a tension iti Middle East ti iskedyul ti pannakaipaay dagiti HIV commodity iti pagilian.
