LAOAG CITY – Binabalaw ni Deputy Spokesperson ti Chinese Embassy Guo Wei ni Jay Tarriela, rear admiral iti Philippine Coast Guard ken sabali pay nga opisial iti maipagarup a saan a sumaysayaat a relasion ti Pilipinas ken China.
Segun ken ni Guo, inaldaw-aldaw nga agiwarwaras ti kina-ulbod ken gura ni Tarriela a makaapektar iti relasion ti dua a pagilian.
Kabayatanna, inbasura ti tribunal ti nine-dash line claim ti China ken binigbigna ti karbengan ti Pilipinas iti uneg ti 200-nautical-mile Exclusive Economic Zone.
Kas sungbat, inrakurak ni Tarriela nga agbalin a naurnos ti relasion ti dua a pagilian no sumurot laeng ti China iti international law ken isardeng ti panang-harass kadagiti mangngalap a Pilipino ken dagiti barko ti Philippine Coast Guard ken Bureau of Fisheries and Aquatic Resources.
Kunana pay a ti umno a solusion ket ti panangibbat ti China iti illegal a claim-na ken ti panangrespetar ti karbengan ti Pilipinas iti baybay.
