LAOAG CITY – Maisayangkat ti wage hike kadagiti minimum wage earners sakbay nga agngudo ti Hulio.
Inpasigurado daytoy ni Labor Sec. Francis Tolentino kalpasan maitantan ti pannakatungpal kuma daytoy inton Hulio 19.
Segun ken ni Sec. Tolentino a maipatungpal ti nayon ti sueldo inton Hulio 25.
Inlawlawagna a naitantan ti publication maipapan iti nadakamat a wage hike ti maysa a kaunaan a proseso ti Department of Labor and Employment.
Inrakurakna nga irugi ti wage hike iti National Capital Region (NCR) sakbay nga ipatungpal iti Region 4-A, Region 7 ken Central Luzon.
Maipalagip nga ipangpangruna ti P60 a nayon dagiti minimum wage nga agtrabtrabaho ken sumaruno ti nayon a P25 inton 2027.
