LAOAG CITY – Kwinestionaran ni Atty. Salvador ‘Sal’ Panelo ti imbestigasion ti National Bureau of Investigation (NBI) mainaig ti maipagarup a pangta ni Vice President Sara Duterte kontra ken ni Presidente Ferdinand Marcos Jr., First Lady Liza Araneta-Marcos, ken dati House Speaker Martin Romualdez.
Segun ken ni Panelo a saan a nasungbatan ti NBI ti napateg a paset ti alegasion, particular ti pakasaritaan mainaig iti assassin a maipagarup nga imbilin ti Bise Presidente.
Kwinestion met ti abogado ti maipagarup a saan nga agtugma a palawag ti NBI no ti pangta ni Vice President Duterte ket mailibalng kas conditional threat wenno maysa a pudno a pangta.
Kunana nga adadda a napateg a kitaen ti napasamak iti pakabuklan iti rakurak ti Bise Presidente, karaman ti maipagarip a pangta ket pananglipit a mapadpadasan sakbay a naiparuk-aat ti nasao a rakurak.
Innayonna a mabalin a ti inbatad ni VP Sara ket mabalin a reaksion laeng iti maysa a situasion a mariknana nga adda ti risgo ti biagna.
Kabayatanna, agtultuloy ti impeachment trial kontra ken ni Vice President Sara Duterte a nakasentro iti Article IV ti Articles of Impeachment mainaig ti maipagarup a grave threats.
