LAOAG CITY – Inpadanon ti maysa kadagiti trainors ken coaches iti Just Be Active Summer Program iti City Tourism Office ditoy siudad ti Laoag nga awan pay ti naipaay a sweldo wenno talent fee dagitoy.
Daytoy ket kalpasan a naipadanon ken ni Vice Mayor Rey Carlos Fariñas iti babaen ti message ti Facebook account-na manipud kadagiti maysa a trainor wenno coaches.
Segun ken ni Fariñas, nakailanad iti mensahe a dua a bulanen ti napalabas kalpasan ti nasao nga aktibidad ket awan pay ti naipaay a sweldo wenno talen fee dagitoy.
Awan pay ti sungbat a maawatda no kaano a maipaay ti City Tourism Office daytoy no sadinno a naikari nga agdagop ti Php10,00 agingga Php30,000 ti nasao a sweldo.
Nupay kasta, kuna ni Fariñas nga inendorsarna ti nasao a probleman iti Chairman ti City Tourism Office tapno insigida a maipaay ti sweldo wenno talent fee dagitoy.
