LAOAG CITY – Inlawlawag ni Dr. Taylan, maysa nga Internal Medicine Doctor, St. Camillus de Lelles Hospital ditoy siudad ti Laoab ti mabalin a rason no apay a pimmusay ti maysa nga ubing a nagbakuna idiay Cavite.
Segun ken ni Dr. Taylan, nga adu dagiti mabalin a gapu no apay pimmusay ti ubing. Kunana a mabalin nga adda ti allergic reaction wenno Septic Shock Reaction ti bakuna.
Kinunana nga adda dagiti narikna ti ubing a panagsakit ti buksit, vomitting, ken diarrhea ngem segun kenkuana ket normal laeng dagitoy a side effects ti agas.
Innayon ni Dr. Taylan a daytoy a kaso ket rare laeng gapu ta ti deworming nga iwaywayat ti Department of Education (DepEd) ket tinawen no sadinno nga awan met ti pimmusay iti kallabes.
Kabayatanna, kunana a ti autopsy ti ubing to ti mangibaga no ania ti pudno a nakatayanna no sadinno a manarimaanen ti imbestigasion.
Daytoy nga ipupusay ti ubing idiay Cavite ket kalpasan a nagbakuna daytoy iti maysa a pagadalan a paset ti programa a nagbinnuligan ti Department of Education (DepEd) ken Department of Health (DOH).
