LAOAG CITY – Nangi-isyu ti cease and desist order ti Department of Environment and Natural Resources (DENR) iti illegal dumpsite iti ancestral domain ti Aeta community iti Subic, Zambales.
Mainaig iti daytoy, inadmitir ti Department of Environment and Natural Resources a saan a nalaka ti implementasion ti Republic Act No. 9003 wenno National Solid Waste Management Act of 2001 a mangipawpawil iti operasion ti open dumpsite.
Kabayatanna, inbatad ti lokal a gobierno ti Subic, Zambales a saanda nga ammo nga adda dagiti agnanaed nga indigenous community iti asideg ti nadakamat a dumpsite.
Rimuar ti isyu kalpasan ti maysa a dokumentaryo ni Kara David a nangibutaktak ti panagkontaminar ti danom iti nadakamat a lugar gapo iti naiwarang a basura iti lugar a pagnanaedan dagiti Aeta community.
