LAOAG CITY – Inakusaran ti Iran ti Estados Unidos a nangpuntirya ti civilian infrastructure iti kaudian a panangipabanto na ti air strikes kalpasan a nalabsing ti peace talks.
Basar iti report, karaman kadagiti natamaan ti air strikes ket dagiti rantay, train station ken erupuerto.
Saan a nangipaay ti US Central Command (Centcom) ti listaan dagiti puntirya da a rauten ngem inbatad na a gagem dagiti panagatake ti ad-adda pay a pannaka-pabagsak ti kapabilidad ti Iranian military.
Immunan a nagballaag ni US President Donald Trump a puntiryaen da dagiti Iranian bridges ken power stations tapno mapwersa ti Tehran nga agsubli iti dayalogo tapno agpatinggan ti gubat a nangrugi idi Pebrero 28 ita a tawen.
Naamoan nga adda ti pito nga indibidul ti natay kadagiti inwayat nga air-strikes ti Estados Unidos.
