LAOAG CITY – Nakapagpiansan dagiti dua nga indibidual a naarestar gapu iti naipila a kaso kontra kadakuada nga Adultery iti siudad ti Laoag.
Segun ken ni Police Lt. Col. Ryan Retotar, Chief of Police iti siudad ti Laoag a nagpiansa dagiti dua ti sag-P36,000 a rason ti temporario a pannakawayawayada.
Dagiti suspek a nakapagpiansa ket lalaki nga agtawen 36, awanan asawa ken residente ti Barangay 1, San Lorenzo iti siudad ti Laoag ken idinto a ti babai ket agtawen ti 31, naasawaan, awanan trabaho ken residente ti barangay 38-B, Mangato iti metlaeng nadakamat a siudad.
Kabayatanna, maipalagip a naarestar dagiti dua a suspek babaen ti maysa a warrant of arrest nga inparuk-at ni Hon. Khristy Ahnn Queja Cac-Rivera, Presiding Judge ti Municipal Trial Court ti cities branch 1, iti siudad ti Laoag.
