LAOAG CITY – Inpasigurado ni Senate President Sherwin Gatchalian a karaman ti imbestigasion iti flood control scam kadagiti aramiden ti Senado iti panagsubli ti sesyon ti Kongreso inton Hulio 27.
Inbatad ni Gatchalian a karaman kadagiti nakalinya nga imbestigaran ti Senado dagiti anomalya iti flood control programs kasta pay ti school shooting idiay Tacloban ken panagsagsagana iti El Niño.
Naammoan a sabali pay iti panagdengngeg para iti 50 a prioridad a gakat iti babaen ti Legislative-Executive Development Advisory Council (LEDAC) a kasapulan a trataren pakairamanan ti nailian a pundo para iti 2027.
Inlawlawag ni Gatchalian a kasapulanda a paggigiddanen ken lippasen dagiti nadakamat pakairamanan ti impeachment trial, gapu ta no saan ket dakkel ti agbalin nga epekto daytoy iti panagginad ti ekonomia.
Kuna pay ti Senate President a gapu iti kaadu ti aggigiddan a trabaho a masapul a lippasen ti Senado, insingasingna ti panangdutok ken ni Senador Chiz Escudero kas presiding officer.
