LAOAG CITY – Inbatad ti legal team ni Vice President Sara Duterte nga adda ti mangpangpangta iti biag ni VP Sara iso nga naaramid ti bise ti panagpangta kontra ken ni Presidente Ferdinand Marcos Jr. ken dagiti dadduma pay.
Segun iti human rights lawyer a ni Atty. VJ Topacio, ipetpetteng ti biang ti bise nga adda ti pangta iti biagna kas iti nadakamatna iti kontrobersial a Nobiembre 23, 2024 Zoom press conference.
Karaman pay ti panangidakamatda ti Project Romanov no sadinno ket segun iti kampo ti bise ket adda pay nagpangta iti biag dagiti pamilia ni VP Sara.
No man pay ti konteksto ti Project Romanov nga immunan a dinakamat ni Mayor Baste Duterte ket inaramat daytoy ti biang ni VP Sara tapno matalantan ti pangta iti biagna.
Gapo iti daytoy, manamnama a maikkan ti kampo ni VP Sara ti tsansa tapno paneknekan no adda ti pangta iti biag ti bise a maimbestigaran inton sumaruno a lawas no sadinno ket manamnama ti maudi nga aldaw ti pannakaitalantan ti grave threat article.
