LAOAG CITY – Naiget a naglikudan ni Philippine Coast Guard (PCG) spokesperson for the West Philippine Sea (WPS) Rear Admiral Jay Tarriela dagiti pangta ti China a “infringement” wenno pannakibiang ti Navy personnel ti Pilipinas iti Ayungin shoal.
Daytoy ket kagiddan ti baro a tension iti nagbaetan ti Filipino troops a mangimatmaton iti BRP Sierra Madre ken China Coast Guard idi Hulio 20.
Inpaganetget ni Tarriela nga awan ti naaramid a panaglabsing wenno riribok ti Pilipinas iti napasamak iti Ayungin Shoal.
Inpettengna a dagiti Filipino troops ket adda ti uneg ti teritorio ken ti China Coast Guard (CCG) ket nagbiahe ti rinibribu a milya tapno agturong ken mangriribok iti kabaybayan ti Pilipinas.
Inbatad ti Philippine Coast Guard offial a ti Ayungin ket paset ti exclusive economic zone (EEZ) ti Pilipinas ken ti continental shelf ket basar iti 2016 Arbital Award a pinal ken adda ti bilegna iti babaen ti United Nations Convention on the Law of the Sea (UNCLOS) ken awan ti claim manipud iti China pakairamanan ti aw-awaganda a nine-dash line nga adda legal a pagibasaranna.
Kabayatanna, inbatad ni Tarriela ti umno a pasamak ti insidente no sadinno maysa a rigid full inflatable boat nga adda sakay na a walo ti in-deploy ti China Coast Gusrt 21560 tapno umasideg iti BRP Sierra Mader ken mangiyuswat ti saan a otorisadong inspeksion iti barko ti PH Navy.
Mainaig iti daytoy, nag-deploy ti Armed Forces of the Philippines personnel ti rubber boats tapno papanawen isuda babaen iti non-confrontational wenno natalna a wagas ngem saan nga inkankano ti Chinese Coast Guard ken naranggas a limmaban.
Kuna ni Tarriela a maysa a “barbaric” ti Chinese crew member a minalo iti ulo ti maysa a suldado a Pilipino babaen ti kayo a baton a nagresulta ti nakana a sugat ken nadadael ti rubber boat ti Pilipinas.
Inawagan ni Rear Admiral ti naranggas nga inaramid ti Chinese crew kas “assault” iti personnel ti Pilipinas iti mismo nga exclusive economic zone (EEZ) ti pagilian ken saan a maximum restraint.
Inlawlawagna a balbaliktaren ti account ti Chinese Coast Guard ti aggressor ken ti biktima no sadinno a maysa a pattern ti illegal, coercive, aggressive ken deceptive (ICAD) a talugading.
Inrakurakna a ti Chinese Coast Guard ti nangirugi ti narisgo a tignay ken nagresponde laeng dagiti rubber boats-da tapno protektaran ti BRP Sierra Madre.
Ti insidente ket napasamak iti uneg ti Exclusive Economic Zone (EEZ) ti Pilipinas no sadinno sumurok 600 a nautical miles ti kaadayona manipud iti Hainan Island ti China.
