LAOAG CITY – Mangipaay ti sumurok P174.6 million a cash assistance ken sabali pay nga ayuda nga adda ti manarimaan a sumurok 20,000 a mangmangged, mannalon ken dadduma pay a benepisiario idiay Negros Island, Siquijor.
Inbatad ni Presidential Communications Office ken Palace Officer Claire Castro nga indauloan ni Labor Secretary Francis Tolentino ti pannakaipaay ti P7.4 million a livelihood grant iti 174 a benepisiario iti babaen ti Department of Labor and Employment Integrated Livelihood Program ken kabinnulig ti Danawan Agrarian Reform Beneficiaries Association.
Segun ken ni Castro nga agtultuloy ti Department of Labor and Employment a mangipaay ti tulong ken serbisio tapno masuportaran dagiti nagduduma a pagsapulan kas ti agribusiness, rice ken corn milling, rice trading, agtaraken ti ayup ken panagmula ti nateng tapno addaan ti agbayag a pangalaan ti pagbiag dagiti benepisiario.
Kunana a nangilatang ti Department of Labor and Employment (DOLE) ti pundo para iti Tulong Panghanapbuhay sa Ating Disadvantaged/Displaced Workers (TUPAD), maysa nga emergency employment program a mangipapaay ti temporario a trabaho kadagiti displaced, underemployed ken seasonal workers.
Malaksid iti daytoy, nangipaay ti Department of Labor and Employment (DOLE) ti temporario a trabaho iti rinibribu a benepisiario idiay Negros Oriental, Negros Occidental ken Siquijor.
