LAOAG CITY – Inrakurak ni National Bureau of Investigation Director Melvin Matibag iti panagtultuloy ti impeachment trial, nga addan dagiti persons of interest ti ahensya da a possible a makaitudo iti tao a maipagarop a nakasarita ni Vice President Sara Duterte tapno mangipatungpal iti panangpatay kada Presidente Ferdinand “Bongbong” Marcos Jr., First Lady Liza Araneta-Marcos, ken dati nga House Speaker Martin Romualdez.
Maipalagip a nagbalin a kontrobersyal ti rakurak ni Vice Presidente Duterte a no patayen da daytoy ket addan ti nakasarita na a mangpatay iti first couple ken dati nga House speaker.
Segun ken ni Matibag, possible a maysa metlaeng kadagiti persons of interest da ti mismo a nakasarita ti bise presidente.
Nupay kasta, nagkedked paylaeng ni Matibag a nangibutaktak iti pakabigbigan dagiti persons of interest da proteksyon kadagiti informants ken tapno saan a maapektaran ti imbestigasyon.
Ti nasao a rakurak ket paset ti Article IV ti impeachment complaint a mangdakdakamat iti maipagarop a grave threats ken inciting sedition.
Immunan nga inpetteng ti National Bureau of Investigation a dagiti pangta ni Duterte ket maysa a“serious, active, and continuing threat” nga addaan ti potensyal a mangitunda ti aktwal a risgo iti national security.
Iti pakabuklan, ti iruruwar dagiti persons of interest ken mangnayun ti dagsen ti imbestigasyon ti National Bureau of Investigation ken mabalin nga agbalin a tulbek iti panangibutaktak ti kinapudno dagiti akusasyon kontra iti bise presidente.
