LAOAG CITY – Nakasaganan ti Kamara de representantes para iti maikalima nga State of the Nation Address ni President Ferdinand Marcos Jr. intono Lunes, Hulyo 27.
Daytoy ti inpasigurado ni House Speaker Faustino “Bojie” Dy III.
Segun iti House leader, nagtulag ti kamara de representantes ken ti Office of the President a pagbalinen laeng a simple ngem dignified ti State of the Nation Address ti presidente ita a tawen.
Kuna pay ni Dy a trabaho ken obligasyon na a siguradwen nga iti kada aspeto ti State Of the Nation Address ket agbalin a naurnus, natalged ken rumbeng nga ikkan ti importansya ti nasao nga okasyon.
Innayon na a napateg ti aldaw a pannakaisayangkat ti State of the Nation Address gapu ta saan laeng a para iti gobierno no di ket para iti tunggal Pilipino, gapu ta daytoy ti gundaway a mangipaay ni Presidente Marcos Jr. ti report iti sitwasyon ti Pilipinas ken ti suruten a direksyon.
Mainaig iti daytoy, inpakaammo ni Speaker Dy nga adda ti agarop 30 a medical personnel manipod iti House Medical and Dental Service, no sadinno nga adda pay dagiti tumulong manipod iti St. Luke’s Medical Center, Diliman Doctors Hospital, Philippine Heart Center, ken East Avenue Medical Center, a maideploy iti complex tapno maipasigurado ti kinatalged ken well-being dagiti agatendar iti State of the Nation Address.
Addan ton met dagiti naka-standby a nayun a responders manipod iti Department of Health, local government units, Bureau of Fire Protection, ken ti Philippine National Police tapno adda ti nakasagana nga agresponde iti panawen ti emerhensia.
Kabayatanna, mangnamnama ti dua nga House leaders a karaman iti State of the Nation address ti Presidenten ti short-term plan para iti education, tourism, health, education ken transport sectors.
