LAOAG CITY – Umaboten iti 999 ti natay iti kaudian nga Ebola outbreak idiay Congo nga ibilang dagiti otoridad a kaalistoan a panagwaras ti sakit a nairekord iti pakasaritaan.
Basar iti datos nga inparuk-at ti Ministry of Health ti Congo, umaboten iti 2,473 ti nairekord a kaso ken 999 ti pimmusay agingga ita a lawas.
Naideklarar ti outbreak idi Mayo 15 ken karaman ditoy ti Bundibugyo strain ti Ebola virus nga awan pay ti naaprobaran a bakuna wenno agas.
Al-alisto daytoy a mangitunda ti pannakatay maidasig kadagiti immunan nga outbreak pakairamanan ti epidemia idi 2013 agingga 2016 a nakatayan ti sumurok 11,000 nga indibidual manipud iti saan a bumaba iti 28 a ribu a kaso.
Umabot idi ti agarup walo a bulan sakbay a nakairekord ti 1,000 a bilang dagiti natay.
