LAOAG CITY – Inlawlawag ni Philippine Red Cross Secretary General Dr. Gwendolyn Pang a dagiti nasalun-at nga indibidual ket mabalin a makaidonar ti dara iti tunggal tallo a bulan.
Para kadagiti lallaki, kunana a ti panagidonar ti dara ket makatulong a mangkissay ti sobra nga iron iti bagi, bayat a ti babbai ket addaan dan ti binulan a panagregla.
Kunana a ti sobra nga iron ket mabalin a mangpatangken ti arteries akd mangpangato ti risko ti heart disease.
No malpas nga agidonar ti dara, mapaginana ti donator ti 5 agingga 10 a minutos a nakaidda ken maipaayan ti danom tapno masukatan ti napukaw a fluid iti bagi.
Para kadagiti dadduma, mabalin da ti agsublin iti nakadawyan a routine-da ti inaldaw-aldaw ngem saan unay a ti panagbagkat.
