LAOAG CITY – Umabot iti nasurok a 100 nga aftershocks ti napasaran iti Kumamoto prefecture idiay Japan sipud idi martes kalpasan ti idadayyeg ti magnitude 7.1 a gingined a nakatayan ti 13 a tattao.
Malaksid kadagiti natay ket naruay pay a sabsabali dagiti nagtalinaed a napupuk iti narpuug a mall kalpasan a napasamak ti napigsa a panagbettak iti idadayyeg ti napigsa a gingined.
Nagballaag ni Japanese Prime Minister Sanae Takaichi a napateg ti oras tapno maisalakan dagiti napupuk iti narpuug a pasdek.
Immunan a naireport a rinibo a tattao dagiti naikabil kadagiti evacuation centres ken naruay a residente ti napukawan ti suplay ti kuryente gapu kadagiti napasamak a panagdayyeg.
Ginutigot met ti Japan Meteorological Agency (JMA) dagiti residente nga agtalinaed nga alerto para iti posibilidad a makapasar kadagiti napigpigsa pay nga aftershocks.
