LAOAG CITY – Nagpirma ti Government Service Insurance System (GSIS) ken Maxicare Healthcare Corporation ti umuna a memorandum of agreement iti babaen ti maysa a financing program no sadinno pagbalinen a nalaka ti HMO Coverage para dagiti GSIS members babaen ti zero-interest loan payable over 12 months.
Gagem ti Ginhawa Health Assistance Loan (G-HEALTH) a tulungan dagiti mangmangged nga i-maximize ti medical allowance-da babaen iti Executive Orders Nos. 64 and 95 a mangipaay ti wagas tapno ag-enroll ti health insurance nga awan dagsenna ti panagbayad ti premium iti mammaminsan.
Adda ti pakabuklan a 214,000 GSIS members ket manamnama a mabenepisiaran iti initial rollout ti nasao a programa.
Segun ken ni GSIS President ken General Manager Wick Veloso a ti panagpirma ken pannakibinnulig ti Maxicare ket marka iti rugi ti G-HEALTH no sadinno adu pay a memorandum of agreement signings iti dadduma pay a health insurance providers nga adda gandatda a mangipaay kadagiti miembro ti napalawa a pagpilian a health plans a maiyalokar ti healthcare need ken budget-da.
Ti nasao a programa ket nakalukat para kadagiti GSIS members no sadinno mabalinda pay i-enroll ti kualipikado a dependents-da babaen ti napilida nga health insurance package.
Kuna ti GSIS nga agserbi kas program administrator ken financing intermediary kabayatan a dagiti makipaset nga health insurance providers ket responsable iti panangipaay ti medical services, panangproseso ti claims ken administering ti benefits dagiti miembro.
