LAOAG CITY – Saan laeng makatulong makasalbar ti sabali a biag ti panagidonar ti dara no diket makatulong pay daytoy iti salun-at ti nagidonar.
Inpakaammo ni Philippine Red Cross Secretary General Dr. Gwendolyn Pang a dagiti healthy nga indibidual ket makadonar ti dara iti kada tallo bulan gapu ta natural iti bagi a mangsukat ti naawan a dara.
Ti panagidonar dagiti lallaki ket makatulong tapno makissayan ti excess iron iti bagi kabayatan a dagiti babbai ket addaan ti menstruation kada bulan.
Ti sobra ti iron ket mabalin nga agresulta ti mangparigat ti arteries ken mangpangato ti risgo ti heart disease.
Naammoan a dagiti agkalikagum ti agbalin a blood donor, rumbeng nga agtawen ti 18 agingga 60, addaan ti timbang a 50 kilos agpangato ken nasalun-at.
Kabayatanna, sakbay ti panagidonar ti dara, inrekomendarna a nasken nga addaan ti saan a nababbaba a lima nga oras a turog, saan agin-inum ti arak ken mangan ti light meal.
