LAOAG CITY – Naiyuswat ti Apple Pay ditoy Pilipinas a mangipaay ti maysa pay a wagas para iti contactless a panaggatang kabayatan ti panangikagumaan ti pagilian ti cashless payments.
Ti Apple Pay ket maysa kadagiti kaadoan a maus-usar a serbisio ti mobile payments iti sangalubongan.
Kabayatanna, inanunsio met ti Visa ken Mastercard a mabalin ikabil dagiti debit ken credit cardholders dagiti cards-da iti Apple Pay kadagiti Apple devices-da.
Iti agdama, ti serbisio ket supsuportaranna dagiti cards nga inyisyu ti Chinabank, GOtyme, Metrobank ken UnionBank ken adu pay a bangko ti manamnama a mainayon kadagiti sumarsaruno a bulan.
