LAOAG CITY – Paim-imbestigaran ti grupo ti health advocates iti Office of the Ombudsman ni Acting Health Secretary Jose Pujalte Jr. gapu iti maipagarup iti pananglapped iti procurement ti tuberculosis (TB) medicines ken medical supplies para iti 2026.
Kiniddaw dagitoy nga ipadalan iti baro a nadutokan a sekretario iti preventive suspension.
Kagiddan daytoy ket kalikagum ti grupo a pilaan ni Pujalte Jr. ti kaso a graft ken ikkaten iti puesto gapu iti maipagarup a grave misconduct, grave abuse of authority ken conduct prejudicial to the best interest of the service.
Basar iti grupo, nagtalinaed a naka-freeze ti procurement nupay adda ti inlatang ti Kongreso a ₱3.2 bilyon para iti anti-TB drug program.
Dinakamat dagitoy ti maipagarup nga impormasion a naukkonda a maipagarup a mangipakpakita a ranrantaen a maitantan ti bidding process tapno paboran ti maysa a saan nga innaganan a supplier.
Ti reklamo ket nakaipalaon iti 18-page complaint nga inpila ti anonymous health advocates iti Office of the Ombudsman.
Maipalagip a sinukatan ni Pujalte ni dati nga Health Sec. Teodoro Herbosa, agarup maysa a bulanen ti napalabas kagiddan ti panagikkatna iti nasao a puesto.
