LAOAG CITY – Naarestar ti maysa a lalaki a wanted person iti ili ti Dumalneg.
Ti suspek ket agtawen 44, awanan asawa, driver ken residente ti Barangay San Isidro iti ili ti Dumalneg.
Daytoy ket naarestar babaen ti panagbinnulig dagiti personnel ti 101st Maneuver Company RMFB1 ken ti Claveria Police Station.
Inbatad dagiti otoridad a ti warrant of arrest ket inparuk-at ni Hon. Gemma P. Bucayu-Madrid, Executive Judge ti Regional Trial Court, Branch 12 idiay Sanchez Mira, Cagayan idi Hunio 17, 2014 gapu iti kaso a Qualified Theft.
Gapu iti daytoy, adda ti suspek iti kameng ti Claveria Police Station para iti naananay a dokumentasion sakbay a maisubli daytoy iti korte a naggapuanan ti warrant of arrest.
