LAOAG CITY – Inlawlawag ni Unkabogable Star a ni Vice Ganda ti agwarwaras nga isyu mainaig iti kinaawanna ti sumagmamano nga aldaw iti noontime program nga “It’s Showtime.”
Mainaig iti daytoy, adu dagiti sayanggusing a maipagarup na-suspend ni Vice Ganda kalpasan dagiti reklamo a naipila kontra kenkuana nga immabot payen iti Movie and Television Review and Classification Board (MTRCB).
Iti panagsublina iti “It’s Showtime” ket inlawlawagna a nagbakasion laeng daytoy a kabaliktaran kadagiti saan nga umno nga impormasion a na-suspend daytoy.
Maipalagip nga inimbitaran ti Movie and Television Review and Classification Board (MTRCB) idi Hulio 28 dagiti producer mainaig kadagiti reklamo a naipila kalpasan ti kontrobersial nga episode ti nasao a programa idi Hulio 24 kalpasan a pinugsuan ni Vice ti maysa a miembro ti Showtime Baby Dolls ti danum a ni Johaira iti “Memerimar.”
Gapu iti daytoy, insigida met a nagdespensar iti madlang pipol ti komediante kalpasan a na-bash daytoy iti online.
